Richmond

Nú havi eg so verið her í Richmond í góðar tvær vikur, og mín fyrsta fatan av hesum universitetinum er fyri tað mesta positiv.

Eg búgvi á campus (sum er eitt umráði, har skúli, “matstova”, bókasavn, skúlaheim, barr, fittness-høli alt er savnað á einum staðið). Sum so kann man vera verðandi á campus alla tíðina og tú saknar ikki nakað, tá tú ert her - her er alt, og umstøðurnar eru avbera góðar. Hetta er ein privatur skúli, og tað merkir, at tað eru nógvir pengar sum fíggjað allar facilitetir. Sum dømi kann nevnast, at fyri at ganga her (um tú ikki ert so heppin at vera skiftisnæmingur) skalt tú gjalda 110-120.000 kr - og hetta er bert fyri at fáa loyvi at ganga á skúlanum. Harafturat kemur so matur, innivist o.a.

Campus hevur, sum sagt, alt og har er ikki nakað at finnast at. Hinvegin virkar sjálvur Richmond býur ikki til at vera soooo spennandi. Nú havi eg bert verið niðri í downtown eina ferð, men sum so virkaði tað ikki at vera nakað serliga spennandi… men nú er ikki so nógv tíð liðin enn, so man ikki, at eg finni okkurt áhugavert sum tíðin gongur.

Eg havi lagt nakrar myndir á netið:

https://picasaweb.google.com/112782288404820195428/16August201102?authuser=0&feat=directlink

https://picasaweb.google.com/111286949029239375142/20110828RichmondUniversityMix?authkey=Gv1sRgCNfkmOm0s_6lIA

Tillukku við navninum

Sostatt fekk lítli beiggin hjá Ulrik og Óluvu navn í dag, Tobias Mc.Leod í Hjøllum. Ótrúliga vakurt navn.

Eg og Shonna ynskja tykkum tillukku í Klaksvík:) … og sjálvandi øllum øðrum.

Fáa lív í heimasíðuna aftur

Nú havi eg hugsað um tað í hálvtannað ár, og eri vorðin greiður yvir, at eg noyðist at fáa lív í heimasíðuna aftur. Tískil fari eg (vónandi) at leggja ymiskt inn á heimasíðuna aftur.

Myndir frá Hong Kong & Thailand

Ein vika er liðin, síðani eg kom heim frá fjakking í fjareystri, men nú havi eg so lagt myndir út at netið:

http://picasaweb.google.com/ottar87/HongKongThailand70ValgteBillederUdAf1500#

Leiðin gongur í dag til Hong Kong og Thailand

So er dagurin komin, har Shonna og eg at enda sleppa avstað til fjareystur at fjakka. Vit hava glett okkum í fleiri mánaðir, so tað verður framúrskarandi at koma avstað. Vit skulu flúgva í 13 tímar, áðrenn vit lenda í Hong Kong.

Eg skal royna at skriva inn á heimasíðuna, um tað verður møguligt, men um ikki annað, mugu tit hugsa um okkum. Eg skal nokk koma við einari langari frágreiðing, tá eg komi aftur.

Havi tað gott og vit síggjast:)

Myndir frá tíðini niðri á Kreta

Nú havi eg lagt myndir út á internetið frá tíðini niðri á Kreta. Tað er ein long røð av myndum, sum eru valdar út. Tit kunnu síggja myndirnar við at trýsta HER!

Annars havi eg valt nakrar myndir út niðanfyri:

Í bíðistøðu í Billund á veg til Føroyar

Júst nú siti eg á flogvøllinum í Billund.

Seinastu vikuna hevur nógv verið á skránni. Eg eri komin aftur frá Kreta, verið til guideseminar hjá Højmark og eri nú á veg heim til Føroya.

Síðsta fríggjadag varð eg liðugur við mítt arbeiði niðri á Kreta sum ferðaleiðari. Eg fleyg heim til Danmarkar, har eg svav hjá Ulrik. Eg hevðitríggjar dagar í Keypmannahavn, áðrenn eg skuldi víðari til Jylland, so tíðin varð brúkt til at vitja úti í Holte ein dag og vitja Jari ein dag. Tað var deiligt at síggja øll hesi aftur, tí tað var long tíð síðani.
Eftir at hava verið í Keypmannahavn gekk leiðin til Skanderborg, har eg vitjaði Shonnu og familjuna hjá henni. Vit hugnaðu okkum í tveir dagar,  áðrenn eg skuldi til guideseminar hjá Højmark. Tað var rættiliga løgið at koma aftur til Brædstrup, tí tað var júst á hesum guideseminarinum, at eg byrjaði mína ferð sum ferðaleiðari fyri einum ári síðani. Tá eg lati tankarnar ferðast aftur til allar tær upplivingarnar, sum eg havi havt síðsta árið, kann ikki annað sigast enn, at eg havi upplivað og lært ótrúliga nógv. Eg havi verið víða um og møtt ógvum ymiskum fólkum. Tað er eisini við gleði, at eg kann minnast guideseminarið hjá Højmark fyri einum ári síðani, tí hetta hevur óivað verður eitt gott val hjá mær at gerast ferðaleiðari.

Fyrradagin var guideseminarið liðugt og eg havi verið hjá Shonnu í tveir dagar. Nú gleði eg meg at koma heim til Føroya og vitja øll, sum eg ikki havi verið saman við í langa tíð. Fram um alt annað gleði eg meg at síggja Bjørk  fyri fyrstu ferð.

Eg havi nú uml. 10 dagar í Føroyum, áðrenn eg aftur skal av klettunum. Hesaferð gongur leiðin til Hong Kong og síðani víðari til Thailand. Samanlagt skulu Shonna og eg var burtur í ein mánað. Eg havi ferðast lutfalsliga nógv í mínum lívi, men eg havi altíð verið í Evropa. Nú gleði eg meg at ganga nýggjar leiðir og koma longur burtur.

Tíðin niðri á Kreta hevur verið góð, men samstundis er tað við gleði, at eg komi burtur frá oynni. Eg havi fingið avbjóðingar og ment meg, meðan eg havi verið á Kreta, men nú var tíðin komin til, at eg kom víðari í lívinum. Og tað er ein spennandi tíð, sum stendur mær fyri framman.

Men fyrst av øllum stendur ein flogtúrur fyri framman hjá mær, har eg skal flúgva frá Bilund til Føroyar.

Tillukku Bjørk Karbech í Hjøllum

Tillukku við vakra navninum.

Í dag hevur lítla diddan hjá Gert fingið navn. Navnið varð Bjørk Karbech í Hjøllum - eitt ógvuliga vakurt navn.

Eg vóni, at tit fáa ein góðan dag saman øll somul:)

Fleiri myndir frá vitjanini hjá mammu á Kreta

Allar myndir frá vitjanini hjá mammu liggja framvegis á síðuni: http://picasaweb.google.com/ottar87/8Til15AugMammaKreta

Mamma farin av Kreta aftur!

Nú er longu ein vika liðin síðani, at mamma fór heim aftur frá Kreta.

Sum eg nevndi, tá eg skrivaði seinast, høvdu vit verið á býarrundtúrið og skuldu út at súkla. Súklitúrurin gjørdist ógvuliga góður. Í alt vóru vit 7 fólk, sum súklaðu saman, so tað var ógvuliga hugnaligt. Tá tú súklar runt á Kreta kemur tú tættari at nátturuni, sum er ótrúliga vøkur á Kreta.

Mánadagin 11. august var føðingardagur hjá mammu. Tískil fóru eg og Shonna út at keypa góðan morgunmat, so vit kundu fáa eina góða byrjan upp á dagin. Eftir morgunmat leigaðu vit ein bil og koyrdu til kendu strondina Elafonissi. Heimaftur frá Elafonissi sóu vit ein ótrúliga vakran sólsetur. Tá vit komu heim, klæddu vit um og fóru síðani til matstovuna Zafferano at eta, har eg hevði bílagt eitt borð. Punktum varð sostatt sett á ein góðan dag við einum góðum døgurða.

Týsdagin var størsta avbjóðingin á skránni hjá mammu. Hon skuldi saman við mær út at ganga Samaria-gjónna, sum er 16 km long. Hetta var ein langur og harður túrur, men mamma megnaði at koma ígjøgnum gjónna ógvuliga flott, og fekk hetta stóra upplivilsi.

Mikudag høvdu vit alt annað enn motión á skránni. Mamma kom við mær til Bátatúr, at vit høvdu ein góðan dag saman á sjónum við sól, svimjing og hugna.

Hósdag høvdu vit avgjørt, at vit ikki vildu hava alt ov nógv á skránni. Vit fóru ein túr inn til Chania og trallaðu runt til ymsikar handlar. Annars vóru vit bara heima og hugnaðu okkum. Vóru á strondini o.s.fr.

Fríggjadag kom so dagurin, har ein ómetaliga góð vika skuldi enda. Vit náddu ein túr oman á strondina at svimja einaferð afturat, áðrenn mamma varð heintað av einum bussi (har eg var ferðleiðari).

Takk fyri eina minniríka og hugnaligu viku mamma. Gott at tú kundi koma niður at vitja meg:)